شوفى قد اية؟!!؟

الشاعر صلاح جاهيين قال
شوفى قد ايه

يا بخت من يقدر يقول
واللى فى ضميره يطلعه
يا بخت من يقدر يفضفض
وكل واحد يسمعه
يقف فى وسط الناس ويصرخ:أه يا ناس
ولا ملام
بيجى الطبيب يحكى له ع اللى بيوجعه
يكشف مكان الجرح ويحط الدوا
ولو انكوى
يقدر ينوح
وانا اللى مليان بالجروح
ماقدرش اقول
ماقدرش ابوح
والسهم يسكن صدرى ما اقدرش انزعه
شوفى قد ايه؟
احنا النهارده ايه فى ايام السنه
شتا ولا صيف
وفين انا؟
ايه اللى وصلنى هنا؟
انا صاحب البيت ولا ضيف؟
صوتى انحبس
مااقدرش اقول
مااعرفش حاجه عشان اقول
وانا اللى مليان بالجروح
ماقدرش اقول
ماقدرش ابوح
والسهم يسكن صدرى ما اقدرش انزعه
شوفى قد ايه؟
احنا النهارده ايه فى ايام السنه
شتا ولا صيف
وفين انا؟
ايه اللى وصلنى هنا؟
انا صاحب البيت ولا ضيف؟
صوتى انحبس
مااقدرش اقول
مااعرفش حاجه عشان اقول